OS NOSOS OBXECTIVOS XERAIS

1| Promover os lazos de colaboración entre cooperativas (intercooperación) e con outras organizacións da economía social.

2| Fomentar o cooperativismo de traballo asociado como fórmula de desenvolvemento económico e social perante a sociedade galega.

3| Impulsar un cooperativismo anovador, con presencia en sectores emerxentes, de alto valor engadido e novas tecnoloxías.

4| Promover a mellora na organización e xestión das cooperativas de traballo asociado, facilitanto e financiando servicios de asesoramento, de verificación de contas e de asistencia xurídica e técnica, así como outros servicios que puideran ser convenientes ou necesarios para os nosos membros.

5| Ser entidade representativa en materia de creación de emprego e mellora das condicións laborais no mercado de traballo.

6| Representar e defender os intereses das cooperativas asociadas perante entidades públicas e privadas.

7| Acadar representación nas entidades financeiras de economía social.

8| Realizar mediacións e conciliacións e exercer calquera actividade de natureza análoga.

9| Fomentar a promoción e formación cooperativa.

SOBRE AS NOSAS METAS MÁIS INMEDIATAS:
O PLANO DE XESTIÓN DA UNIÓN A CURTO PRAZO

1| Fomentar o coñecemento mútuo e as relacións comerciais entre as cooperativas de traballo asociado galegas, que se plasmará en: Elaboración dun directorio cos servicios que presta cada cooperativa de cara á intercooperación.

Contratación conxunta de servicios por parte das cooperativas, é dicir, mancomunar servicios.
Captación de novas cooperativas socias.

2| Promover a nosa integración en redes de colaboración con outras asociacións de cooperativas galegas, que se concreta na adhesión á Federación de Cooperativas Sinerxia, entre outras posibles.

3| Desenvolver a política de comunicación da Unión, que se materializará en:
Ter presencia en distintos foros: desde xornadas, congresos, ou seminarios ata o Consello Galego de Cooperativas - COGACO -, Consello Económico e Social ou Consello de Relacións Laborais, entre outros posibles.
Presencia nos medios de información.

4| Elevar a cualificación profesional en base á implementación de programas de formación e asesoramento acaídos ás necesidades das cooperativas de traballo asociado, que se traducirá en:
Programas formativos.
Asesoramento xurídico e financeiro.

5| Afrontar e resolver problemáticas concretas das cooperativas de traballo asociado, como son:
Negociación coa administración galega da porcentaxe máxima de asalariados-as a contratar polas cooperativas de traballo asociado establecida na Lei de Cooperativas de Galicia.

Explorar a posibilidade de se integrar no COGACO.
Defender os intereses das cooperativas asociadas en relación á concesión de axudas ó cooperativismo da administración galega.